MADONNINA INDORADA
Madonnina indorada del Domm,
Te saludi invocand el tò Nomm,
A te mandi i basitt pussé bej
In cordada longh tucc i basej;
Orgoglios che là inscì su per ari
T'em portà propri nùn operari.
O Madonna Operari anca Tì,
Cont el fus a filà tutt el dì:
Guarda giò tutta piena d'ardor
Su de nûn tò car lavorador.
Tì, Mammina, te devet sentimm,
Cont el coeur te devet benedimm,
Perchè nûn ai bisogn de la cà
Podum pensach col nost'lavorà
Podum dach ai noster fioeu
On post degn della vita d'incoeu,
Perchè sien d'Italia l'onor,
Cara Madonna del Tricolor!
Nûn poeu tanto ben Te voraremm,
Mai el Tò Nomm bestemmaremm,
Tutti i dì on'Ave Maria
Diremm de coeur; e così sia
ON OPERARI